Siglir tar il cuntegn

Header

audio
Surmiran en scola – èn tut ils meds d'instrucziun pronts?
Or da Actualitad dals 26.07.2021.
laschar ir. Durada: 03:24 minutas.
cuntegn

Surmeir Meds d’instrucziun en l’idiom èn pronts

Ils 16 d’avust emprendan las scolaras ed ils scolars da l’emprima classa a Lantsch ed a Savognin puspè surmiran en scola. Quai suenter ch’igl è vegnì instruì 14 onns en rumantsch grischun. En il fratemp èn era gia pronts ils cudeschs ch’i dovra.

Sco quai che Josy Künzler, la manadra dals sectur meds d’instrucziun da l’Uffizi per la scola populara ed il sport ha ditg envers RTR, saja tut pront per l’emprima classa, che cumenza cun surmiran sco lingua d’instrucziun. Quai èn il cudesch ed ils carnets per l’instrucziun da matematica ed il cudesch per l’instrucziun per natira e tecnica che vegnia probabel duvrà pir en il segund semester. E pronta saja era l’emprima part da la fibla cun ils meds d’instrucziun ch’i dovra enfin l’atun, il rest suondia anc.

Ulteriurs cudeschs suondan

Suenter las vacanzas da stad ins entschaivia cun ils cudeschs per la segunda classa, Josy Künzler spera da pudair collavurar cun las medemas persunas sco enfin qua. Quai èn Esther Krättli, Angelica Augustin, Reto Capeder, Domenica Steier e Gabriella Sonder-Dosch.

RTR actualitad 17:00

Artitgels legids il pli savens

Scrollar a sanestra Scrollar a dretga