La suprastanta en uffizi Irene Kolb sa metta a disposiziun per in'ulteriura perioda d'uffizi. L’entrada en uffizi succeda l’emprim da schaner 2026 e cuzza fin la fin dal 2029. Il segund titular d'enfin ussa, Romeo Poltera, na stat betg pli a disposiziun per in’ulteriura perioda d’uffizi. Sco quai ch'el ha ditg envers RTR na giaja el betg d'accord cun il stil da manar dal president communal Daniel Wasescha.
Avessi da dar in segund scrutini, alura è quel ils 30 da november. Elegiblas èn mo persunas che figureschan sin la glista da las candidatas e dals candidats uffizials.
Adattà al tema
Elecziuns mintgamai en duas etappas
Tenor la Lescha da votaziuns e d’elecziuns da la vischnanca Surses vegnan las elecziuns communalas fatgas mintgamai en duas etappas cun in turnus da dus onns. Il president communal e dus commembers da la suprastanza vegnan elegids il medem temp, ed ils ulteriurs dus commembers da la suprastanza stattan dus onns pli tard en elecziun. E questa elecziun ha lieu ils 28 da settember a l’urna.
