Siglir tar il cuntegn

Header

video
Led da puspè laschar ir ils runals
Or da Telesguard dals 16.01.2023.
laschar ir. Durada: 3 minutas 39 Secundas.
cuntegn

Territori Spleia Tambo Ils runals van puspè

Suenter la serrada sfurzada l'entschatta schaner pervia da mancanza da naiv e las temperaturas autas èn ils runals a Spleia Tambo dapi questa sonda puspè en funcziun.

La fatscha dal mainafatschenta da las pendicularas Spleia Tambo, Hacher Bernet, splendura bunamain uschè ferm sco il sulegl al tschiel blau. Las pistas èn finalmain alvas ed i marscha puspè insatge en il territori da skis. Els hajan pudì far naiv, preparar las pistas e tuts sajan cuntents ch'ils runals èn puspè en funcziun, di Hacher Bernet.

audio
Ils runals van puspè
ord Actualitad dals 16.01.2023. Maletg: RTR
laschar ir. Durada: 2 minutas 2 Secundas.

El saja er cuntent ch'ins haja almain pudì laschar avert il territori sur Nadal e Bumaun. La decisiun da serrar il territori ils dus da schaner saja stada fitg emoziunala per el sco mainafatschenta mo er per tut ils impiegads ed er per la populaziun.

Per nus è Spleia sco in segund da chasa e nus essan fitg cuntents che pudain puspè ir sin pista.
hosp cun in'abitaziun da vacanzas a Spleia

Las pistas sajan bunas, din quels e quellas ch'en sin tura la sonda e tuts èn cuntents ch'in po finalmain puspè ir cun skis a Spleia. Er ils osps paran dad esser cuntents.

Las pistas èn preparadas fitg bain, qua han els propi fatg ina super lavur!
skiunz dal Tessin

RTR actualitad 07:00

Artitgels legids il pli savens