Siglir tar il cuntegn

Header

cuntegn

Turissem a Spleia Spleia dat gas

A Spleia duessan vegnir investads ils proxims otg onns, 80 milliuns francs. Senza investiziuns è quai la fin da las pendicularas. La realisaziun è dentant anc lunsch davent.

Hacher Bernet è da buna speranza. «Entschatta schaner da quest onn avain nus pajà ils ultims leasings», di il directur e represchentant dal cussegl d'administraziun da las pendicularas Tambo a Spleia. El ch'è vegnì avant quatter onns da las pendicularas Madrisa Claustra a Spleia cun l'incumbensa da far urden di dentant er: « Senza l'agid finanzial da dus investurs na fissan nus betg en la posiziun che nus essan ussa.» E natiralmain vulessan ils investurs er vesair in svilup e la finala in gudogn. Quel saja dentant sulettamain pussaivel sche quels e la politica tirian vid ina suga.

audio
Spleia: Pendicularas tranter speranza e quitads per l'avegnir
ord Actualitad dals 09.02.2022.
laschar ir. Durada: 2 minutas 58 Secundas.
Hacher Bernet
Legenda: Hacher Bernet ed il plan da svilup «turissem Spleia». RTR, Toni Poltera

Idea è pronta

L'idea dal project da svilup per il turissem a Spleia è pronta. Dapli letgs chauds, la concentraziun dal turissem en in lieu sper la staziun da las pendicularas e tut ord in maun. Impurtant saja ussa tenor Hacher Bernet d'infurmar ed integrar ils pertutgads – sajan quai las diversas organisaziuns d'ambient, il uffizis, la vischnanca sco er ils investurs.

audio
Spleia: Sguard sin il svilup turistic ed ils plans per l'avegnir
ord Actualitad dals 09.02.2022.
laschar ir. Durada: 3 minutas 14 Secundas.
La part da la nova zona da turissem a Spleia – cuntrada / plaun cuvert cun naiv.
Legenda: La part da la nova zona da turissem. RTR, Toni Poltera

80 milliuns francs

Ch'il svilup dal turissem a Spleia vegn a custar insatge sa chapescha da sasez, resumescha il bab da l'idea Hacher Bernet. El è dentant persvas da pudair porscher in plan attractiv per investurs. Spleia saja ina perla, ina prada prest verda cun bler potenzial e cunzunt er en in lieu optimal tranter Turitg e Milano.

L'idea per il svilup turistic da Spleia è sin palpiri – charta cun diversas zonas en il conturn da Spleia
Legenda: L'idea per il svilup turistic da Spleia è sin palpiri. RTR, Toni Poltera

RTR actualitad 08:00

Artitgels legids il pli savens

Scrollar a sanestra Scrollar a dretga