Siglir tar il cuntegn

Header

cuntegn

Val d'Alvra Cussegl da scola preferiss surmiran en scola

Il cussegl da scola dal consorzi Val d'Alvra dadora vul puspè instruir surmiran en scola enstagl da Rumantsch Grischun, quai scrivan els en in messadi.

La maioritad dal cussegl da scola recumonda da dir GEA a l’iniziativa. Ils arguments pertge ch'il cussegl da scola recumonda questa decisiun n'èn però betg da leger en il messadi.

Las scolas pertutgadas da Casti e da Lantsch hajan sa fatschentà intensiv cun l'iniziativa. I saja impurtant che las vischnancas hajan vinavant rumantsch en la scolina, en la primara ed en il stgalim superiur.

audio
Per tadlar curt e cumpact
ord Novitads dals 20.07.2020.
laschar ir. Durada: 1 minuta 19 Secundas.

Surses recumonda da refusar

L’avust decidan votantas e votants da las vischnancas Alvra e Lantsch davart la lingua d’instrucziun. Davart la medema iniziativa decida il Surses quest venderdis. Là recumonda il cussegl da scola dentant da refusar l'iniziativa e da restar tar il Rumantsch Grischun.

Ord l'archiv:

Rumantsch u surmiran en scola: La discussiun cun Zegna Pittet-Dosch e Simon Bergamin.

audio
Discussiun da podi Surses - RG u surmiran en scola
ord Actualitad dals 27.06.2020.
laschar ir. Durada: 15 minutas 58 Secundas.

RTR novitads 11:30

Artitgels legids il pli savens