Siglir tar il cuntegn

Header

audio
La discussiun cun Zegna Pittet-Dosch e Simon Bergamin
Or da Actualitad dals 27.06.2020.
laschar ir. Durada: 15:58 minutas.
cuntegn

RG u surmiran en scola Las opiniuns paran dad esser fatgas

En in mais decida il suveran da Surses sch'el vul turnar enavos tar il surmiran en scola u restar tar il rumantsch grischun. Il venderdi saira hai dà ina saira d'infurmaziuns cun in discurs da podi. L'interess è stà grond.

Passa 100 persunas èn stadas preschentas en sala, 250 han persequità la discussiun via livestream a chasa. In novum per ina radunanza da la vischnanca da Surses.

Opiniuns èn per gronda part fatgas

Ils differents votums e las dumondas han mussà che las opiniuns èn per gronda par fatgas. En in mais vegn a sa mussar tgi che ha pudì mobilisar il meglier.

Decider sin basa da fatgs n'è betg ina decisiun emoziunala.
Autur: Leo Thomannpresident communal

Cun quests pleds ha il president communal Leo Thomann avert la saira. Uschia èsi vegnì infurmà cun fatgs ed er la discussiun da podi n'è betg stada uschè emoziunala sco quai ch'ins aveva spetgà.

Discussiun da podi.
Legenda: Discussiun da podi. RTR, Tona Poltera

L'argument principal dals iniziants da betg restar sulet cun il rumantsch grischun en scola è vegnì relativà cun l'argument, che cun reintroducir il surmiran gudognian ins nagut, il privel da perder tut saja pli grond.

Decis vegn ils 24 da fanadur

La discussiun da podium è stada la minimala part che la vischnanca da Surses sa ed ha vulì porscher avant ch'i vegn votà davart l'iniziativa. La decisiun croda ils 24 da fanadur a la radunanza communala.

L’iniziativa che pretenda da turnar tar l'idiom era vegnida inoltrada il matg 2019 d’ina gruppa ch'era sa furmada enturn Simon Bergamin.

RTR actualitad 07:00

Artitgels legids il pli savens

Scrollar a sanestra Scrollar a dretga