Il project per revitalisar il Rain Posteriur en il territori Äbi cumpiglia cunzunt il Göriwald che cunfinescha cun la riva dal Rain Posteriur en il vest da Medel. Il Göriwald, zona umida d'impurtanza regiunala, è oz separà cumplettamain dal Rain Posteriur pervia dal letg dal flum approfundà. Entras quai ha il flum actualmain plitost caracter d'in canal senza bratscha laterala.
Stadi actual da las lavurs
-
Bild 1 von 4. Bildquelle: EWZ.
-
Bild 2 von 4. Bildquelle: EWZ.
-
Bild 3 von 4. Bildquelle: EWZ.
-
Bild 4 von 4. Bildquelle: EWZ.
Il traject da revitalisaziun cumenza immediatamain suenter la sbuccada dal Függschtobelbach e s'extenda fin var 150 meters sur la punt dal Rain Posteriur tar Medel. Il traject ha ina lunghezza da circa in kilometer.
Mesiras concretas:
- Runcadas dal guaud (permanent u per part temporar)
- Stuschar e schlargiar il flum sin fin a 60 meters
- Stuschar via da guaud e remplazzar via da viandar e da velo sco era la loipa
- Stgaffir in areal per visitaders e visitadras
Co ch'igl avess da vesair ora 2027
La revitalisaziun duai augmentar considerablamain la plivalur ecologica en la regiun. Plinavant è planisà da meglierar la protecziun cunter auas grondas per la via naziunala.
Sustegn dal chantun
La regenza grischuna sustegna il project che vul revitalisar il Rain Posteriur en Valragn. Ella ha concedì il mars dal 2024 la lubientscha necessaria sco er ina contribuziun chantunala da 138'000 francs.
La terminaziun da las lavurs è prevesida sin la stad u atun 2027. Ils custs totals da quest project vegnan budgetads cun var otg milliuns francs.
Or da l'archiv: