Siglir tar il cuntegn

Header

cuntegn

Vaz Nova lescha da turissem na persvada betg tuts

Ils 13 da zercladur decida Vaz a l’urna davart ina nova lescha da turissem. La vischnanca quinta cun entradas da 4,8 milliuns francs ad onn. Quai fissan var 800'000 francs dapli ch’oz. Betg tuts van dentant d’accord cun la nova lescha.

Il punct da critica principal da la discussiun da podi dal mardi saira è stà la taxa da turissem. Quella duai en futur vegnir pajada cun ina pauschala e betg pli per mintga singula pernottaziun. Critica hai dà dad Adelina Rischatsch che represchenta la cuminanza d’interess dals alloschis per gruppas. Ella ha tema, ch’ella stoppia pajar en l’avegnir bler dapli per ses alloschi da gruppas, cun stuair pajar ina pauschala.

audio
Lescha turistica Vaz: Contribuziuns per alloschis èn dispitaivlas
ord Actualitad dals 02.06.2021.
laschar ir. Durada: 3 minutas 47 Secundas.

Nagin sforz da pajar pauschala

Sco quai ch’il president communal da Vaz, Aron Moser, ed era in giurist han ditg a la discussiun da podi, possian quels che giavischian era en l’avegnir pajar la taxa da turissem tenor las notgs da pernottaziuns empè da pauschalas. I dettia pliras dretgiras che hajan il davos temp ditg, che nagin possia vegnir sfurzà da pajar ina pauschala.

Pro e contra

Gion-Reto Paterlini, il president da l’uniun da mastergn e commerzi da Lai na persvada quai betg: «En l’artitgel 9 da la lescha na stat scritta nagina frasa ch’igl è pussaivel da pajar taxas singulas». Auter vesa quai Thomas Vogt, il president da l’uniun da hoteliers da Lai-Valbella. Tenor el persvada la lescha nova, e tgi che veglia possia pajar taxas individualas empè da pauschalas.

RTR actualitad 12:00

Artitgels legids il pli savens