Siglir tar il cuntegn

Header

Cedel d'elecziun per il proxim scrutini.
Legenda: Cedel d'elecziun per il segund scrutini. RTR, Federico Belotti
cuntegn

Vischnanca Surses Trais candidats per davos post en suprastanza

Romeo Poltera e Madeleine Lienhard da Savognin candideschan puspè per il davos post en suprastanza en il segund scrutini da l’emprim da december 2019. Nov candidat è Bruno Weber da Savognin ch’è commember da la PCD Surses. Quai ha la vischnanca da Surses confermà sin dumonda da RTR.

Gia vegnì confermà en uffizi en l’emprim scrutini è il president communal Leo Thomann. Plinavant part da la suprastanza fan a partir dal 1. da schaner 2019: Giancarlo Torriani, Adrian Ballat (nov) ed Otmar Netzer (nov).

Sin basa dals resultats flaivels da l'emprim scrutini han Gian Sonder, il vicepresident communal da Surses, sco era Toni Sonder – omadus da Salouf – decidì da betg pli candidar per la proxima elecziun a l’urna.

Per l'elecziun dal segund scrutini vala la pluralitad relativa dals cedels da vuschar valaivels. Per cas d'egualitad da las vuschs tira il biro d'elecziun la sort, prendì il cas ch’in candidat na retira betg sia candidatura enfin las 12:00 dal proxim lavurdi.

RR novitads 12:00