Siglir tar il cuntegn

Header

cuntegn

Visita en il buffet a Casti Herbert Fink sco er Ricardo Tiefenthal raquintan

Ina plazza dal vitg u ina stizun nua che la glieud s'entaupa n'ha Casti betg. Perquai ha RTR visità l'ultim di da «Tes vitg – tia istorgia» a Casti il buffet da la staziun, ch'è in zic il lieu da sentupada dal vitg.

Herbert Fink – l'amur ha manà el a Casti

Herbert Fink è oriund da Rona. El raquinta che l'amur ha manà el a Casti, ha abità 18 onns a Casti. La sa senta el anc oz sco dachasa, malgrà ch'el abita puspè a Rona, cunquai ch'el ha surprendì la chasa paterna. Sco el raquinta fiss el dentant restà fitg gugent a Casti. Il contact cun quels da Casti ha el dentant mantegnì.

audio
«Tes vitg – tia istorgia» cun Herbert Fink en il buffet da la staziun
05:57 min, Actualitad dals 24.07.2020.
laschar ir. Durada: 05:57 minutas.

Ricardo Tiefenthal – in giuven suna armonica

Nus avain er discurrì cun Ricardo Tiefenthal ch'ha 27 onns ed è da Casti. Avant diesch onns è el vegnì meglier svizzer en ina concurrenza da sunar armonica. Oz raquinta el co quai è da sunar in instrument pauc tipic per la giuventetgna. La finala mussa el er tge ch'el sa e suna intgins tuns.

audio
«Tes vitg – tia istorgia» cun Ricardo Tiefenthal che suna armonica
04:18 min, Actualitad dals 24.07.2020.
laschar ir. Durada: 04:18 minutas.
audio
«Tes vitg – tia istorgia» Ricardo Tiefenthal suna «Turbo-Örgeler»
03:37 min, Actualitad dals 24.07.2020.
laschar ir. Durada: 03:37 minutas.

Noss rapports d'auters vitgs

Avrir la boxSerrar la box
Noss rapports d'auters vitgs

Qua chattais dapli davart la seria da stad «Tes vitg - tia istorgia». Enfin uss è RTR stà sin visita a Rueun, Bever e Ftan. L'emna proxima giain a Ziràn-Reschen, silsuenter a Lumbrein e la finala a Panaduz.

Artitgels legids il pli savens

Scrollar a sanestra Scrollar a dretga