Tenor las cifras da l'Uffizi per economia e turissem dal Grischun hai dà pli pernottaziuns il november. Las cifras èn dentant detg exact en media dals davos tschintg onns, damai che la stagiun 21/22 è stada excepziunala.
Il minus giascha cunzunt vi da giasts svizzers, tudestgs ed austriacs:
- Il dumber da giasts svizzers è sa reducì per 8% sin 87'000.
- Cnap 7'000 tudestgas e tudestgs èn vegnì, bunamain 3'000 pli pauc ch'ils onns passads.
- Er da l'Austria hai dà 30% pli pauc giasts ch'en la media dals davos tschintg onns (anc 727 osps).
In cler plus da pernottaziuns d'osps or da l'Italia, la Frantscha ed ils Stadis Unids pon ins dentant nudar.
En l'entira Svizra èn las pernottaziuns percunter s’augmentadas per 20% sin bunamain 2,1 milliuns.
audio
Per tadlar: las novitads da las 10:00
ord RTR Audio dals 17.01.2023.
laschar ir. Durada: 2 minutas 34 Secundas.
