Siglir tar il cuntegn

Header

cuntegn

Grischun Nagin’unda da muria da butias pli

La muria da butias n’è betg in grond tema il mument. Sco quai che Maurus Blumenthal, il directur da l’uniun Grischuna d’artisanadi e mastergn ha ditg, saja la situaziun il mument in pau sa stabilisada.

audio
Muria da butias pitschnas n'è betg pli uschè acuta
ord Actualitad dals 15.03.2022.
laschar ir. Durada: 3 minutas 33 Secundas.

Il trend d’avant 20 onns che bleras stizuns serran, surtut en las vischnancas da la periferia, saja ussa sa stabilisà in pau, ha ditg Maurus Blumenthal envers RTR. Cler saja però ch’i haja ils davos onns dà midadas, tge che vegnia vendì en butias. Uschia dettia blers products che sa laschian vender meglier en l’internet, quai saja per exempel rauba d’electronica ed auters products.

Pli paucas mazlarias e dapli butias grondas

Tge ch’i dat oz era pli pauc che pli baud, èn mazlarias cun butia. Devi il 2011 anc 49, èn quai tenor la statistica da l'Uffizi per economia e turissem dal chantun Grischun, anc stads 38 l’onn 2019. Butias cun victualias da latg ed ovs, èn sa sminuids dad 11 sin 7 en la medema àperioda. Augmentà fermamain è persuenter il dumber da supermartgads. Supermartgads gronds cun ina surfatscha tranter 400 fin 999 meters quadrat, èn per exempel s’augmentads da 39 sin 54.

Lieus turistics èn dumandads

Sco quai che Maurus Blumenthal ha ditg, saja spazi per butias en ils lieus turistics fitg dumandà, i na saja savens betg simpel da chattar immobiglias adattadas. Persuenter sajan lieus en citads e lieus sco Tusaun, Glion e Landquart magari pli pauc dumandads, cunquai che las butias grondas sa chattian betg pli en il center. Qua dettia però uniuns da commerzi localas cun programs spezials, per far frunt a la muria da butias.  




RTR actualitad 08:00

Artitgels legids il pli savens