En Svizra è il dumber da las pernottaziuns sin campadis durant il temp d'enviern sa dublegià durant las davosas diesch stagiuns. Era questa stagiun pari da dar ina bilantscha positiva, di Marcel Zysset, il president da la federaziun tetgala per ils campadis svizzers «Swisscamps». Suenter il temp da corona hai tenor Zysset dà stgars 5 milliuns pernottaziuns en l'entira Svizra durant la stagiun d'enviern. Quest grond dumber da pernottaziuns d'aura fraida saja dapi lura restà pli u main stabil.
La raschun ch'adina dapli persunas veglian era campar da temperaturas fraidas saja, che blers e bleras hajan ozendi campers e rulottas che sajan bain isoladas ed hajan per part stgaudaments moderns, crai Zysset. Ma era ils campadis porschian entant savens meglras cundiziuns durant l'enviern. Radund 60 dals 218 campadis – ch'èn commembers da Swisscamps – sajan bain equipads per il temp d'enviern, declera el. Per part dettia là era purschidas da wellness u locals da sientar vestgadira bletscha.
L'enviern sin dus campadis grischuns
Era en il Grischun sentan ils campadis quest boom da campar l’enviern. Cunzunt durant ils dis da festa marschia fitg bain, raquinta Ivan Zangerle ch'è possessur e mainagestiun dal campadi Muglin en Val Müstair. Ed era durant las vacanzas da sport restia il dumber da las pernottaziuns sin il campadi Muglin aut. La glieud ch'ins entaupia durant l'enviern sin il campadi saja fitg multifara.
Sur Nadal e Bumaun avain gì fitg blers giasts en noss campadi – cunzunt famiglias, ma era blers pèrins cun in u l'auter bus da VW.
Era a Rueras/Sedrun è l'enviern daventà pli impurtant, quai che pertutga il campar. In augment da giasts e l'atmosfera sin il campadi Viva a Rueras/Sedrun durant l'enviern conferman Nicole Rüegsegger ed Annette Meyer. La mainagestiun dal campadi Nicole Rüegsegger vesa in grond potenzial per optimar anc pli fitg la purschida da campar durant l'enviern. Sper la sauna che vegnia stimada fitg dals giasts d'enviern – fiss in local da skis u era ina stanza da cuminanza da grond avantatg per promover anc pli fitg la purschida d'enviern.
Jau lavur dapi trais onns en il campadi Viva a Rueras. Il dumber da giasts durant l'enviern è creschì fermamain dapi che jau hai cumenzà qua.
-
Bild 1 von 6. Campadi Viva, Rueras/Sedrun. Bildquelle: Camping Viva.
-
Bild 2 von 6. Campadi Viva, Rueras/Sedrun. Bildquelle: Camping Viva.
-
Bild 3 von 6. Campadi Viva, Rueras/Sedrun. Bildquelle: Camping Viva.
-
Bild 4 von 6. Campadi Muglin, Müstair. Bildquelle: Camping Muglin.
-
Bild 5 von 6. Campadi Muglin, Müstair. Bildquelle: Camping Muglin.
-
Bild 6 von 6. Campadi Muglin, Müstair. Bildquelle: Camping Muglin.
Il campar d'enviern pudess en l'avegnir pia daventar ina adina pli gronda schanza per possessurs e possessuras da campadis. Tenor Marcel Zysset possian ins quintar ch'anc dapli glieud vegn a chattar il tschaffen vi dal campar durant temperaturas fraidas. Perquai rendia da s'adattar ed engrondir la purschida per il temp d'enviern.
Or da l'archiv:
-
Bild 1 von 4. Daltuttafatg nov n'èsi betg da campar l'enviern. La fotografia mussa il campadi da San Bernardin, ils 13 da favrer 1972. Bildquelle: Keystone.
-
Bild 2 von 4. Daltuttafatg nov n'èsi betg da campar l'enviern. La fotografia mussa il campadi da San Bernardin, ils 13 da favrer 1972. Bildquelle: Keystone.
-
Bild 3 von 4. Daltuttafatg nov n'èsi betg da campar l'enviern. La fotografia mussa il campadi da San Bernardin, ils 13 da favrer 1972. Bildquelle: Keystone.
-
Bild 4 von 4. Daltuttafatg nov n'èsi betg da campar l'enviern. La fotografia mussa il campadi da San Bernardin, ils 13 da favrer 1972. Bildquelle: Keystone.