- 52 onns
- Partida: il Center
- Lieu da domicil: Morissen/ Domat/Ems
- Lieu da burgais: Lumnezia
- linguas: rumantsch, tudestg, talian, franzos ed englais
Scolaziun
Durant ses onns bauds da furmaziun aveva Marcus Caduff il focus sin l'agronomia. A la Scola politecnica federala a Turitg (ETH) ha el absolvì il studi da scienza d'agronomia.
Silsuenter ha el fatg il diplom supplementar en scienzas da manaschi e da producziun a l'universitad da Son Gagl.
Carriera politica
Ses emprim pass en la politica ha il Sursilvan fatg l'entschatta dals onns 2000, sco politicher local:
2004-2018: president dal Center Lumnezia
2005-2010: president dal Center Surselva
Sper ils dus presidis da las partidas localas è Marcus Caduff vegnì elegì il 2006 en il parlament chantunal. Là ha el surpiglià ina rolla politica successivamain adina pli impurtanta:
2006-2018: commember dal Cussegl grond
2010-2018: president dal fracziun en il Cussegl grond
Ils 10 da zercladur ha il suveran grischun decis che Marcus Caduff po far il pass en la regenza l'entschatta dal 2019:
01-01-2019: en la regenza sco manader dal departament grischun d'economia publica e fatgs socials
2025: president da la regenza
Via professiunala
Avant ch'il Lumnezian è daventà part da la regenza ha el rimnà experientschas da management en pliras rollas:
- CEO dal Spital regiunal Surselva SA
- manader dal svilup e co-parsura da la direcziun da l'Ospital chantunal dal Grischun
- vice-president «International Business Development» tar la Flughafen Zürich AG, manader da svilup da l'interpresa en l'Europa ed en l'Orient Central
Famiglia
Marcus Caduff è maridà e bab da duas figlias. La famiglia viva a Domat e Morissen.
Hobis
- turas en las muntognas
- velo da muntogna
- esser en la naiv (skis, passlung, snowboard)
- aviatica (licenza privata da pilot, betg activ)
