Il parlament da mattas è in project dal Post da stab per l'egualitad da las schanzas per dunnas ed umens ch'i dat dapli il 2012 mintga pèr onns. Il 2025 ha gì lieu la tschintgavla ediziun dal parlament da mattas – e quest è vegnì nominà per ils Innovation in Politics Awards 2026.
Il project è da la giuria vegnì accentuà sco project exemplaric per l’innovaziun politica. Tgi ch’ha nominà quest project n'è betg enconuschent a la manadra dal Post da stab per l'egualitad da las schanzas per dunnas ed umens, Barbara Wülser.
La giuria sa metta ensemen da passa 1’000 burgais e burgaisas europeicas. Criteris per vegnir nominà èn che politichers e politicras fan era part dal project. Quai saja tar il parlament da mattas en Grischun il cas: i dat la participaziun da politichers e politicras che vain pretendida e la finanziaziun dal maun public.
Ils project ch’èn vegnids nominads han la schanza da vegnir en il final. La surdada da premis ha lieu ils 30 d’october 2026 a Cascais en il Portugal, là vegnan communitgads ils projects victurs.