Per il professer d'economia publica a la FHGR Andreas Nicklisch na saja quai nagina surpraisa che adina dapli firmas sa transfereschian en il Grischun. Il chantun Grischun haja in grond avantatg envers auters chantuns, grazia a l'auta qualitad da viver.
Dapi corona avain nus badà che emploiadas e las firmas sezzas mettan bler pais sin la qualitad da viver.
Er il Grischun cumbatta cun la mancanza da persunal dal fatg. Quai saja dapertut uschia. L'auta qualitad da viver gidia il chantun en quest connex.
Betg mo ils collavuraturs mabain era ils possessurs da firmas vivan là nua ch'els vulan viver.
Sper quai è era la tariffa da taglia in argument per il Grischun. Betg pertge che quella è bassa, mabain pertge ch'ella na sa mida betg adina puspè.
