Dapli ils 11 da december è il jodlar in patrimoni cultural da l'UNESCO. Per la presidenta da l'assoziaziun federala da jodlar Karin Niederberger è quest di in di spezial. Ch'il jodlar è ussa in patrimoni cultural da l'Unesco saja ina premiaziun unica che onurescha ils perdavants ed era ils jodladers activs.
Ozendi vegn la tradiziun da jodlar surtut vivì en la Svizra Centrala ed en il Appenzell. Singuls clubs da Jodlar datti era en Grischun. Tenor Karin Niederberger saja la Rumantschia però pli ferm derasada en auters chants. Per exempel chors da baselgia u chors maschadads.
Il jodlar n'è simplamain betg ina gronda part da la cultura grischuna.
Il titel d'esser ussa in patrimoni cultural da l'UNESCO pudess purtar nova publicitad a la tradiziun Svizra ed uschia er animar nova glieud da s'interessar per quella. Il jodlar haja gia ina lunga istorgia, haja gia survivì duas guerras mundialas e vegnia er en avegnir a surviver entant che la tradiziun vegnia vivida activamain enavant.
