L'emprim di da scola a Falera ha cumenzà cun in ritual – far ragischs è il motto. Ils uffants pli gronds hajan gia in zic pli grondas ragischs ch'ils pitschens. Plinavant vul la scola esser in lieu nua ch'ils uffants pon esser uschia sco ch'els èn. Suenter quest pitschen ritual èn lura tut ils uffants ids en lur stanza. Nossa redactura da RTR Carmen Monn è l'emprim di da scola a Falera e parta intginas impressiuns:
-
Bild 1 von 4. La stanza da scola da Flavia Bearth ch'ha l'emprima giada surpiglià ina classa – numnadamain la segunda classa B. Bildquelle: RTR.
-
Bild 2 von 4. Bildquelle: RTR.
-
Bild 3 von 4. Bildquelle: RTR.
-
Bild 4 von 4. Bildquelle: RTR.
Bler da preparar oravant
La scolasta Flavia Bearth da Rabius è gia dapi il fanadur lavurusa. Da preparar datti inqual chaussa per ch’ils uffants possian sa sentir bain en stanza da scola. En la stanza da la segunda classa B a Falera chatt'ins differentas decoraziuns tipicas per ina stanza da scola primara.
Per mai èsi impurtant ch’ils uffants sa sentan bain cura ch’els vegnan en la stanza da scola.
Vi da las paraids pendan per exempel divers bustabs e maletgs. Tge che croda immediat en egl: Il grond BAINVEGNI vi da la tabla. Sper quel in maletg dad in filien ed ina mustga. Quella istorgia, da Bisy e Gion Carli, vegn ad accumpagnar ils uffants durant l’entir onn da scola. Era vi da la porta da la stanza chatt'ins quellas figuras. Quella decoraziun va sco in fil cotschen tras l’entira stanza da scola.
Impressiuns ord la stanza da scola a Falera
-
Bild 1 von 6. La stanza da scola da la segunda classa B a Falera è pronta. Bildquelle: RTR.
-
Bild 2 von 6. Ils pults èn quasi pronts. I manca mo anc il num dal scolar. Bildquelle: RTR.
-
Bild 3 von 6. L'istorgia da Bisy e Gion Carli vi da la porta da la stanza. Bildquelle: RTR.
-
Bild 4 von 6. Decoraziuns tipicas. Bildquelle: RTR.
-
Bild 5 von 6. Flavia Bearth davant sia stanza da scola. Bildquelle: RTR.
-
Bild 6 von 6. La chasa da scola a Falera. Bildquelle: RTR.
Era per la scolasta Flavia Bearth èsi l’emprim di da scola
Ils 17 scolars e scolaras da Falera e Laax enconuschan gia bain in l'auter. La scolasta, Flavia Bearth, vali uss anc d’emprender d’enconuscher – cunquai ch'ella surpiglia da nov la classa. E co va quai il meglier? Tenor Flavia Bearth cun gieus.
Il pli lessig è schon cun gieus. Quai plascha er als uffants.
La preparaziun organisatorica è fitg impurtanta
Sper la preparaziun creativa è era la preparaziun organisatorica fitg impurtanta. A Flavia Bearth èsi impurtant ch’ils uffants san nua ch’els dastgan seser. Nua che lur plaz è. Sin ils pults è gia tut pront per ils scolars e las scolaras. Ussa mancan mo anc ils scolars sezs.