La vischnanca da Luzein en il Partenz ha gì radunanza communala venderdi saira e decidì pliras chaussas. Tenor in'infurmaziun da l'administraziun è Johann Wolf vegnì elegì sco successur da Bernhard Brülhart en la suprastanza communala.
Il preventiv da la meglieraziun generala chala tenor l'infurmaziun da la vischnanca cun in minus da radund 1 milliun francs. I vegn menziunà che las contribuziuns dal chantun e da la Confederaziun sajan anc da spetgar per il quint final. La radunanza ha approvà il preventiv.
Tar il budget annual rapporta la vischnanca in plus da radund 100'000 francs. Il pe da taglia resta tar 85% dal pe da taglia chantunal. Omaduas tractandas n'han survegnì naginas cuntravuschs.
Tar la radunanza communala èn 96 burgais e burgaisas stadas preschentas.