Pertge na duess ins betg duvrar dapertut il medem pled-clav?
En media ha mintga persuna radund 120 contos online. Igl è bunamain nunpussaivel da memorisar per mintga conto in agen pled-clav. Perquai han blers la tendenza da duvrar in pled-clav segir per tut ils contos. Tenor ils experts per la segirezza da cyber è quai dentant in sbagl. Mintga di vegnan interpresas e lur servers nua che las datas dals utilisaders vegnan memorisadas u emprovan da far il hacken. Las datas èn per gronda part segiras ed ils pleds-clav codifitgads aposta, i po dentant adina puspè capitar ch'ils pleds-clav vegnan en mauns sbagliads. Sch'in hacker ha pudì engular ses pled-clav e sch'el dovra dapertut il medem pled-clav, po il hacker avair access a ses ebanking, a ses Twint u era a ses papal. In ristg che sa lascha simplamain evitar cun differents pleds-clav.
Il crap da fundament per la segirezza en l'Internet
En general duess ins duvrar pleds-clav cumplitgads ch'èn difficils da lignar. L'incumbensà per la protecziun da datas da Turitg ha creau ina pagina, nua ch'ins po guardar quant ditg ch'i giess fin che ses pled-clav vegn chatta ora: www.passwortcheck.ch
Da princip valan las suandantas reglas:
- Betg duvrar pleds ord il vocabulari u il num
- Ina maschaida da bustabs gronds e pitschens, da pajar e da segns spezials
- Utilisar in pled-clav d'almain 10 lunghezza
Co pon ins tegnair endament ils numerus pleds-clav differents e cumplitgads?
Igl è bunamain nunpussaivel da memorisar mintgamai in pled-clav unic per ils differents contos. Perquai datti uschenumnads managers da pleds-clav. In manager per pleds-clav è in'applicaziun ch'è gia installada ordavant u ch'ins sto anc chargiar giu. I dat dentant era gia browsers, nua che managers da pleds-clav èn gia integrads. Las differentas variantas han natiralmain era avantatgs e dischavantatgs.
Sin mintga iphone sa chatta per exempel l'applicaziun «Passwörter». Ina fitg buna applicaziun ch'ins po era duvrar sin il tablet u sin il macbook. Sch'ins vul dentant era duvrar ils pleds-clav sin in computer da Windows, lura è quai mo pussaivel a moda limitada.
Percunter èn managers da pleds-clav ch'èn integradas en il browser ina buna pussaivladad. Uschè ditg ch'ins dovra sin tut ils apparats il medem navigatur funcziuna quai sin tut ils apparats, la segirezza vegn dentant valitada dad experts sco pli pitschna.
La pussaivladad la pli segira saja in'applicaziun separada. I dat differents purschiders che han medemamain avantatgs e dischavantatgs. L'emissiun Kassensturz dad SRF ha prendì sut la marella ina giada questas purschidas.
Co poss jau duvrar in manager da pleds-clav
Tar in manager da pleds-clav integrà:
- Avrir il browser e s'annunziar là.
- Cun s'annunziar u registrar vegn ussa mintga giada ina notificaziun, sch'ins vul memorisar il pled-clav. Alura smatgar sin «arcunar».
- Sch'ins vul ussa s'annunziar da nov, simplamain cliccar sin las infurmaziuns d'annunzia proponidas sut la fanestra d'endataziun.
En cas d'ina applicaziun separada:
- Telechargiar l'applicaziun sin il telefonin u visitar la website
- crear in conto e cumenzar a registrar las datas d'annunzia
- Sch'ins vul ussa s'annunziar da nov, simplamain cliccar sin las infurmaziuns d'annunzia proponidas sut la fanestra d'endataziun.
I po dentant esser different dad applicaziun ad applicaziun.
