Siglir tar il cuntegn

Header

video
Project pilot sur Pasca per evitar traffic tras ils vitgs
Or da Telesguard dals 29.03.2022.
abspielen. Laufzeit 35 Sekunden.
cuntegn

Maisa radunda: Traffic A13 Transit tras Panaduz e Razén vegn serrà sur Pasca

Il chantun Grischun e la Confederaziun vulan cun in project da pilot sur Pasca schliar il problem dal traffic tras ils vitgs sper l'A13. Uschia vegn il transit tras Panaduz e Razén serra. Be abitants, furniturs u il traffic public dastgan passar tras.

En cas ch'i reussescha uschia da controllar meglier il traffic, saja quai in exempel era per autras vischnancas. Mesiras a lunga vista èn per la maisa radunda tranter auter d'informar anc pli ftg la glieud sin via, reglar la sveltezza u dosar las entradas ed extradas sin l'autostrada.

Il traffic sin l'A13 n'è betg mo in problem durant Pasca u Nadal, cunzunt las fin d'emnas ston ins quintar cun bler traffic. Blers automobilists ed automobilistas svieschan lura gugent sin las vias tras ils vitgs en las vischnancas vischinantas. Pervi da quai pretendan era las vischnancas vischinantas soluziuns.

video
Adina dapli traffic sin l'A13
Or da Telesguard dals 28.03.2022.
abspielen. Laufzeit 3 minutas 2 Sekunden.

Vischnancas dovran agid

Zizers è ina vischnanca pertutgada directamain dal traffic tras il vitg, chaschunà da las colonnas sin l'autostrada. Il president communal Peter Lang è pertschart che las vischnancas na vegnan betg da schliar persulas il problem dal traffic.

Jau na sperescha betg che nus vegnin trumpads da la sentupada. Igl è impurtant che nus vegnin udids e che nus chattain ina soluziun.
Autur: Peter Lang president communal Zezras

Sco soluziun realistica vesa la Polizia chantunala da reducir la limita da tempo. Els hajan gia fatg bunas experientschas cun quai, di il pledader da medias Cuno Berther. Il problem dal traffic massiv tras las vias n'è betg mo che las persunas na vegnan betg da traversar la via, mabain anc in auter. En cas d'in accident na vegn in'ambulanza era betg al lieu. La lingia da segirtad vegnia dentant pratitgada relativamain bain.

audio
Vischnancas pertutgadas dal traffic enturn A13 vulan soluziuns
aus Actualitad vom 29.03.2022.
abspielen. Laufzeit 2 minutas 52 Sekunden.

 

RTR actualitad 12:00

Artitgels legids il pli savens

Scrollar a sanestra Scrollar a dretga