cuntegn
Mancanza d'abitaziuns
-
Las partidas grischunas daventan activas en chaussa
Ch'i dat memia paucas abitaziuns per indigens cunzunt en regiuns turisticas, quai ha dà da discutar bler ils ultims mais. Ussa en l'onn d'elecziun daventan er las partidas activas en chaussa.
La Partida socialdemocratica dal Grischun ha annunzià quest'emna ch'ella veglia inoltrar en la sessiun da Cussegl grond da l'autra emna in'incumbensa pertutgand mancanza d'abitaziuns en il chantun. Er la Partida populara dal Grischun è daventada activa ed ha preschentà co far frunt al manco.
Proceduras memia lungas
Per la PPS èn las proceduras puncto planisaziun dal territori en il chantun Grischun memia lungas, perquai propona la partida da simplifitgar process administrativs. Concret han els preschentà in program da 5 puncts. Per cuntanscher lur finamiras vulan els inoltrar diversas incumbensa en il Cussegl grond.
Il program da 5 puncts da la PPS Grischun
Avrir la box
Serrar la box
- Accelerar fermamain process da planisaziuns dal territori
- Naginas rezonaziuns nunnecessarias mabain stgaffir novas zonas da construcziun
- Distgargiar finanzialmain e damain protecziun da monuments sch'ins vul reconstruir stallas betg abitablas
- Abolir immediat obstachels chantunals
- Iniziativa dal chantun per curreger il svilup fallà en la planisaziun dal territori naziunal
