L'hotel Stern a Cuira vul daventar pli attractiv per collavuraturas e collavuraturs. Cun duas mesiras vulan ins attrair il persunal. L'entir persunal che lavura las dumengias survegn per quel di 50% dapli paja. La segunda mesira è in local da persunal nua ch'ils collavuraturs san recrear e sa retrair da la lavur. La midada da la paja datti a partir da quest mais, il local da persunal è planisà per il november. Che questas mesiras savessan ussa dar discussiuns tar la concurrenza è bain conscient al possessur da l'hotel Stern, Adrian Müller.
Sch'i dat discussiuns tar ils auters hotels, ha jau plaschair.
Per il president da Hotellerie Suisse Grischun èn quai bunas mesiras. Tuttina n'è quai betg la soloziun per mintgin. Mintg'affar ha da chattar si'atgna soluziun per il problem da la mancanza da persunal. Ina soloziun ch'è adattada per tuts na datti betg. Impurtant saja da reagir il pli svelt pussaivel e da savair tge pussaivladads ch'ins ha.
Ils svelts gudognan cunter quels che reageschan pli tard.