Dapi la primavaira passada tschertga il chantun Grischun ina nova persuna che vul manar l'Uffizi chantunal per l'execuziun giudiziala. Enfin ussa senza success. Tenor il cusseglier guvernativ Peter Peyer n'èn els betg ils unics che han problems da chattar persunas da cader. Quai saja er sa mussà en il barat cun collegas d'uffizi d'auters chantuns.
Il problem saja tranter auter che persunas qualifitgadas na vulan betg surpigliar tanta responsabladad che l'equiliber tranter lavur e vita privata n'è betg sco giavischà ni era che las pajas èn en auters chantuns pli autas che en il Grischun.
Il Grischun è ina tscherta periferia, per tgi che vul, è quai bel da viver qua. Sch'ins tschertga autras offertas, ha per exempel Turitg avantatgs.
Ussa dettia però divers discurs da preschentaziun ed il cusseglier guvernativ ha la speranza ch'ins chatta ina persuna adattada. Sche quai n'è betg il cas enfin la fin dal temp d'uffizi da Mathias Fässler, lura hajan ins ha in «plan b» nua ch'il substitut surpiglia las incumbensas dal manader d'uffizi.