In team da tschertga ha chattà mort in rimnader da bulieus ch'era sparì dapi ier en damaun a Miralago. Tenor indicaziuns da la polizia è l'um glischnà ora cun rimnar bulieus ed è crudà ina spunda taissa giuadora fin en l'aual.
L'um da 50 onns saja ì dumengia persul a Miralago per rimnar bulieus, ha la polizia chantunala dal Grischun communitgà.
Perquai che sia dunna n'ha betg pli pudì cuntanscher el, ha ella telefonà a la polizia ed annunzià el sco sparì. Radund 30 persunas, sco era la Rega eran sa participadas a la tschertga da l'um.
