Questa primavaira èn vegnids salvads 520 chavrielins cun l’agid da dronas da la mort tras maschinas da segar. Sco il chantun scriva èsi gia la tschintgavla stagiun che dronas vegnan duvradas per quest intent.
Uschè bleras giadas n’èn chatschadras e chatschaders sco era puras e purs voluntaris anc mai stads en acziun per salvar ils ansiels chavriel. Els han fatg 1'786 sgols cun dronas. Quai èn 66 dapli ch’en l’onn da record 2022.
Da mez matg fin mez fanadur 2023 èn stads en viadi mintgamai la damaun baud u la saira tard var 180 pilotas e pilots da dronas per il bain dals chavriels. Ultra da quai èn stadas en acziun durant quest temp tut en tut 25 dronas mintga di da segar en quasi tut las regiuns dal Grischun.
Dapi il cumenzament dal project l'onn 2019 èn tut en tut var 2'320 animals vegnids salvads d'ina eventuala mort tras la maschina da segar. La finamira è da cuntinuar er en il futur cun quest project.
Or da l'archiv:
