Il milan cotschen vesan ins savens sgulant sur prads ed ers, plitost bass e datiers dals vitgs. Quest utschè da rapina sa senta adina meglier en las valladas dal Grischun. La populaziun è s'augmentada marcantamain ils ultims onns, explitgescha Sergio Wellenzohn, il responsabel per l'ornitologia tar l'Uffizi da chatscha e pestga dal chantun Grischun. Tenor el datti pliras raschuns per quest svilup: Tranter auter programs da protecziun e pavladas.
Dapi in tschert temp datti sforzs da protecziun per il milan cotschen en ils pajais vischins. Per l'autra savain nus era che milans cotschens vegnan attratgs fitg intensivamain tras pavladas en Svizra.
Plinavant po er la midada dal clima avair in'influenza. Blers utschels da rapina reageschan sin cuvertas da naiv serradas. Damai che nus avain damain cuvertas da naiv serradas poi esser che ils milans cotschens che eran eventualmain davent durant l'enviern restan ussa forsa en nossas regiuns durant tut l'onn.
Cifras da populaziun mussan in auter maletg
Sch'ins guarda sin las cifras da la populaziun na conferman quellas betg l'observaziun ch'ins po savens far vi dal tschiel. Tenor l'ornitolog dal chantun è la populaziun da giruns da mieurs numnadamain restada constanta ils ultims onns – quai tar radund 1'000 pèrins en il Grischun. La populaziun da milans cotschens è bain creschida è be circa tar 50 pèrins.
-
Bild 1 von 2. In milan cotschen. Bildquelle: Keystone.
-
Bild 2 von 2. In girun da mieurs. Bildquelle: Keystone.
Differentas tecnicas da chatscha
Da declerar saja quai er cun la moda e maniera differenta dad ir a chatscha da quels dus utschels da rapina, explitgescha Sergio Wellenzohn. Il milan cotschen saja in utschè che fetschia chatscha cun sgular – el sgolia durant lung temps per tschertgar sia preda. Il girun da mieurs percunter sesia insanua tut ruassaivel e pir cura ch'el vesia insatge sgolia el per tschiffar la preda.
Da princip na stettian quest dus utschels pia betg enta pes in a l'auter. In effect possia però dar entras pli grondas populaziuns: Mintgina sa concentreschia sin sias cumpetenzas da coc. Vul dir, il milan cotschen sin la chatscha cun sgular ed il girun da mieurs in la chatscha da lajetg cun observar la gronda part dal temp senza sgular. Uschia poi dar ch'il milan cotschen è pli preschents al tschiel ch'il girun da mieurs. Ma i na munta betg ch'il girun da mieurs è svanì.
Or da l'archiv: