Per l'utschè chantadur entschaiva cun la primavaira in temp impurtant ed intensiv. Sergio Wellenzohn, il responsabel per l'ornitologia tar l'Uffizi da catscha e pestga dal chantun Grischun declera ch'el na chantia betg mo da spir plaschair.
Il chant ha ina funcziun. Il motiv è adina u da marcar il territori u d'attrair la femella.
Il chant dals utschels sa drizza tenor la posiziun dal sulegl. Il sulegl è in pau sco il dirigent dals utschels chantadurs.
Tgi che guarda ils videos – sa dapli
In pèr da quels utschels chantadurs èn probabel restads l'entir enviern tar nus, sco per exempel pliras spezias da masets. Er in pèr utschels migrants èn ussa gia sin via enavos en Svizra ed en il Grischun.
Oravant tut utschels che sgolan en la regiun dal Mar Mediterran, en Frantscha, en l'Italia, èn ussa gia enavos.
In pèr utschels èn pir anc sin via enavos, auters èn gia in pass pli lunsch: L'evla ed il tschess barbet han gia cumenzà cun bajegiar il gnieu. L'evla vegn il proxim mais gia a cumenzar cun far ovs.
