«Stgilat»
A partir da la primavaira datti en il Museum da natira ina exposiziun speziala sur dad in animal ch'ins vesa magari durant ir a spass tras ils guauds dal Grischun. In animal cun in pail, plitost pitschen e movibel. Quel animal raiva fitg bain, schizunt cun il chau engiu. Il stgilat.
La gronda part da las abitantas e dals abitants da la Svizra han gia vis ina giada in stgilat. Dentant la moda da viver da questa spezia apparentamain enconuschenta è fascinanta e tuttina magari nunenconuschenta.
Il nunenconuschent enconuschent. Sche nus inscuntrain in stgilat vesain nus mo circa 5% da la vita d'in stgilat.
Els vulan infurmar sur da fitg divers temas sco per exempel: Nua ch'ils stgilats dorman, en tge guauds ch'els vivan, en tge autezzas ch'els èn, tge ch'i fan durant l'enviern ed era daco che quels animals èn uschè movibels.
«evolution happens!»
Evoluziun capita, uschia ha la segunda part da l’exposiziun speziala num. L’evoluziun vegn savens percepida sco in process plaun, che dura milliuns d’onns. Dentant las proceduras d’evoluziun sa splegan cuntinuadamain, adina e dapertut.
Els veglian cun quella exposiziun mussar tge influenza ch'il carstgaun ha en differents aspects da la evoluziun e quai cun exempels or da la medischina, da l'agricultura e da la protecziun da la natira. Là nua ch'i dat vita capitan midadas. Quai mussia l'exposiziun speziala «evolution happens!».
Sper las exposiziuns novas cumpletteschan er referats, excursiuns e curs la purschida dal Museum da la natira dal Grischun durant il 2024.
