L'auto ha stuì cumbatter ditg per vegnir acceptà en il Grischun: 25 onns e nov votaziuns hai duvrà, enfin ch'il scumond dad autos en il Grischun è vegnì abolì.
I na spetga betg in'exposiziun d'autos – ma ins po per exempel far in examen da teoria da pli baud e guardar, sch'ins fiss vegnì tras.
Tenor il manader dal Museum retic Guadench Dazzi è la glieud da lezzas uras stada encunter ils autos per differents motivs: ils custs supplementars, l'influenza politica e la concurrenza cun il tren.
Ultra da quai hajan be var 1'000 persunas pudì sa prestar da quel temp in auto. Ir cun auto era pia insatge exclusiv e custus.
-
Bild 1 von 4. Bildquelle: RTR.
-
Bild 2 von 4. La curatura da l'exposiziun Karin Fuchs ed il manader dal Museum retic Guadench Dazzi. Bildquelle: RTR.
-
Bild 3 von 4. Bildquelle: RTR.
-
Bild 4 von 4. Bildquelle: RTR.
Ma sco che nus savain oz, è l'auto vegnì immatriculà a la fin er en il Grischun – numnadamain l'onn 1925. Là cumenza l'exposiziun dal museum retic.
Ils Grischuns n'eran nagins bucs sturs. Els vesevan simplamain baud, tge effects che l'auto vegn ad avair politicamain e finanzialmain.
Da l'exposiziun na pon ins dentant betg spetgar ina «show» d'autos, di la curatura Karin Fuchs. Las visitadras ed ils visitaders pon empruvar ora chaussas ed emprender novas chaussas. Uschia per exempel ch'in terz dals autos eran electrics l'onn 1920.
-
Bild 1 von 3. Bildquelle: RTR.
-
Bild 2 von 3. Bildquelle: RTR.
-
Bild 3 von 3. Bildquelle: RTR.
L'exposiziun integrescha quests differents temas e raquinta els en differentas manieras. E quai, senza ch'in sulet auto avess stuì vegnir charrà en il Museum retic.