Neofitas èn plantas ch'èn vegnidas importadas en l'Europa senza vulair u cun intenziun. Era sch'ellas vesan forsa perfin ora bain, fan ellas gronds donns a nossa biodiversitad. Ils prads ed ers da las puras e dals purs èn pertutgads da las neofitas. Qua fan ellas gronds donns e pon perfin chaschunar ch'i dat ina racolta pli mala.
Rigera annuala
La rigera annuala è quella neofita che fa dapi circa dus onns il pli grond quità als purs. Ina planta che sa derasa fitg spert e stgatscha plantas indigenas – ella è pia ina neofita invasiva plain success.
Problematica per l'agricultura
Las neofitas disturban la biodiversitad dals prads ed ers. Quellas neofitas ston tenor l'ordinaziun dals pajaments directs vegnir eliminadas. Fan las purarias nagut encunter po quai capitar ch'il terren agricul vegn stritgà or da la zona agricula.
Ord l'archiv
Gia il 2019 è RTR sa fatschentà cun neofitas durant l'acziun «Missiun b» ed ha purschì tips e trics:
Neofitas èn gia pli ditg in tema en il chantun Grischun:
