Siglir tar il cuntegn

Header

cuntegn

Neofitas Viafier retica ha ina strategia da neofitas

Era la Viafier retica è pertutgada da neofitas sin las raits. Perquai ha ella elavurà in concept per cumbatter las plantas invasivas.

Las neofitas na sa ferman era betg davant ils binaris da la Viafier retica. Las regiuns las pi pertutgadas èn la Surselva sco era il traject tranter Tusaun e Landquart.

audio
Uschia cumbatta la Viafier retica las neofitas
02:42 min, Actualitad dals 02.09.2021.
laschar ir. Durada: 02:42 minutas.

L'onn passà èn vegnidas fatgas registraziuns dal dumber da neofitas sin las raits. Per cumbatter las neofitas ha la Retica concepì quest onn ina strategia speziala.

La biodiversitad è in impurtant punct en la cunvegna da prestaziun da la Retica. Ella vul perquai contribuir cun quest concept a la biodiversitad.

Concept cun trais intents

Il concept da la Viafier retica sa basa sin trais intents. Tegnair liber regiuns cun in bass squitsch da las neofitas, cumbatter cunter las neofitas ed empruvar d'impedir la derasaziun da las plantas invasivas. La finamira dal concept è da promover dapli la biodiversitad.

Ord l'archiv

Gia il 2019 è RTR sa fatschentà cun neofitas durant l'acziun «Missiun b» ed ha purschì tips e trics. Ed er il 2013 ha RTR rapportà en chaussa.

RTR actualitad 08:00

Artitgels legids il pli savens

Scrollar a sanestra Scrollar a dretga