Siglir tar il cuntegn

Header

audio
Tips per nettegiar chasa u curtin senza incaps
Or da Co e cum dals 27.04.2022.
laschar ir. Durada: 5 minutas 3 Secundas.
cuntegn

Nettegiada da primavaira Tips per dapli segirtad durant nettegiar la chasa u il curtin

Forsa paran ils tips logics ad in ni l'autra da vus, dentant sa blesseschan mintg'onn var 40’000 persunas en Svizra durant nettegiar u cuschinar. Perquai suonda qua ina survista cun tips dal Post da consultaziun svizzer per la prevenziun d’accidents BfU e da la SUVA per evitar accidents:

Tips generals

  • Planisar avunda temp e reparter las lavurs sin plirs dis -> cun far prescha schabegian accidents
  • Duvrar ils utensils adattads -> betg duvrar cudeschs sco stgala
  • Avair urden durant nettegiar -> betg laschar gischair l'uder u la pala giun plaun

Tips per en chasa

  • Duvrar prolungaziuns per il moni, per exempel durant nettegiar fanestras -> betg far acrobatica
  • Leger precis il manual d'applicaziun da products da nettegiar e chemicalias -> purtar egliers e guants sche necessari
  • Deponer lumpas cun ieli per tgirar lain en in recipient serrà bain enfin ch'ellas vegnas dismessas -> talas lumpas pudessan entschaiver a brischar da sezzas

Tips per en curtin

  • Purtar vestgadira adattada -> mongia lunga (protegia era encunter raischens), protecziun per l’udida, guants ed egliers sche necessari
  • Chalzers serrads cun ina buna sola -> en cas ch’insatge dat sin il pe u sch'igl è glischen

Ed uss, buna nettegiada! :)

RTR Co e cum 11:15

Artitgels legids il pli savens