Siglir tar il cuntegn

Header

video
Retica cun gudogn da record
Or da Telesguard dals 05.12.2022.
laschar ir. Durada: 3 minutas 17 Secundas.
cuntegn

Onn da fatschenta 2022 Viafier retica quinta cun gudogn da 6 milliuns

Per l'onn 2022 quinta la Viafier retica cun in gudogn da record da sis milliuns francs. Quai annunzia l'interpresa a la conferenza da pressa annuala. Dapi la primavaira è la bilantscha dal transport da persunas ed autos per part cler meglra che la valur excellenta dal 2019. En ils segments da l’infrastructura e da las fatschentas secundaras quinta la Viafier retica cun in resultat gulivà. Il traffic da vitgira n’è dentant betg stà uschè bun, il resultat vegn ad esser lev negativ, cunzunt pervi dals custs auts. Uschia po la VR er emplenir las reservas ch’èn vitas pervi dals onns da Covid-19.

audio
Viafier Retica: Buna bilantscha da l'onn
ord Actualitad dals 05.12.2022. Maletg: MAD
laschar ir. Durada: 3 minutas 43 Secundas.

Record cun resun mundial

Il record cun il pli lung tren da persunas dal mund l’october ha chaschunà in interess da medias immens. Da tut il mund èn radund 90 redacziuns stadas preschentas. Quest grond resun da l’entir mund vul il directur Renato Fasciati nizzegiar e carmalar dapli osps en il Grischun cun products che persvadan.

Or da l'archiv:

video
Viafier retica: Record mundial cun il pli lung tren da persunas
Or da Telesguard dals 31.10.2022.
laschar ir. Durada: 5 minutas 13 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga