L'uniun Opera Viva planisescha per la stad d'opera 2027 da represchentar l'opera «La forza del destino» da Giuseppe Verdi. Giugada vegn l'ovra en il lieu cumprovà da represchentaziun «Das Zelt» en il vitg d'opera a Sursaissa.
La premiera è planisada per ils 30 da fanadur 2027, l'ultima represchentaziun è ils 14 d'avust 2027. Ulteriuras represchentaziuns han lieu tranter la fin da fanadur e la mesadad d'avust.
La prevendita vegn lantschada la fin da l'onn 2026 sin la pagina d'internet dad Opera Viva.
Ultra da las represchentaziuns da l'opera èn previsas per la stad d'opera 2027 puspè purschidas supplementaras sco in program d'accumpagnament culinaric ed era purschidas da pachets.
L'art grafic da l'Opera Viva
Tut ils placats fin l'onn 2025 èn vegnids creads da l'artist indigen Rudolf Mirer. Cun il placat da l'Opera Viva Aida vegn quella èra a fin cun la mort da l'artist l'entschatta 2025.
L'art grafic per L'Opera Viva 2027 n'è betg anc publitgà.
L'ovra da Rudolf Mirer en L'Opera Viva
-
Bild 1 von 10. Bildquelle: communicaziun.ch.
-
Bild 2 von 10. Bildquelle: communicaziun.ch.
-
Bild 3 von 10. Bildquelle: communicaziun.ch.
-
Bild 4 von 10. Bildquelle: communicaziun.ch.
-
Bild 5 von 10. Bildquelle: communicaziun.ch.
-
Bild 6 von 10. Bildquelle: communicaziun.ch.
-
Bild 7 von 10. Bildquelle: communicaziun.ch.
-
Bild 8 von 10. Bildquelle: communicaziun.ch.
-
Bild 9 von 10. Bildquelle: communicaziun.ch.
-
Bild 10 von 10. Bildquelle: communicaziun.ch.
«La forza del destino» – in'ovra danovamain fitg actuala
Cun «La forza del destino» porta Opera Viva gia la 11avla opera dapi la fundaziun da l'uniun sin tribuna e per la tschintgavla giada in'ovra da Giuseppe Verdi.
Avant èn vegnids preschentads tranter auter «Nabucco», «Macbeth» e sco ultim la producziun da giubileum «Aida» la stad 2025.
L'opera da l'onn 2027 raquinta cun quatter acts l'istorgia tragica da Leonora ed Alvaro davant l'aspect da la guerra, da la fugia e da la vendetga. L'ovra è vegnida preschentada l'emprima giada l'onn 1862 a St. Petersburg. La versiun usitada dad oz ha gì lieu l'onn 1869 a la Scala da Milano.
Rinforzament per la suprastanza
A chaschun da la radunanza generala dals 10 d'avrigl 2026 ha l'uniun dà in sguard enavos sin l'opera da giubileum «Aida» curunada da success ed ha preschentà ils plans per il 2027. Ultra da quai è la suprastanza vegnida confermada e rinforzada en il ressort da sponsoring cun Werner Egli e Curdin Mark.