-
Bild 1 von 6. Hugo Keune, il CEO da l'ospital ha fatg in gir tras il nov edifizi da l'ospital. Bildquelle: Keystone.
-
Bild 2 von 6. Sper il nov edifizi datti er ina nova plazza da sa tschentar per il helicopter. Bildquelle: Keystone.
-
Bild 3 von 6. Bildquelle: Keystone.
-
Bild 4 von 6. Tscherts lieus enturn l'ospital èn anc plazzals. Bildquelle: Keystone.
-
Bild 5 von 6. Ils responsabels da l'ospital han preschentà cifras e plans. Bildquelle: Keystone.
-
Bild 6 von 6. Las novas salas d'operar en l'ospital en construcziun. Bildquelle: Keystone.
Las lavurs en l'edifizi nov da l'Ospital chantunal a Cuira èn en il spurt final. Il november quint'ins prender en funcziun er la segunda part da l'edifizi nov, quai scriva l'ospital en ina communicaziun. Suenter la stad èsi planisà da cumenzar cun tests integrals per guardar che tut ils sistems funcziunian. Il november va lura la nova part en funcziun, quai suenter ina lunga fasa da construczin. L'Ospital chantunal grischun ha investì dal 2014 enfin la fin dal 2025 bun 518 milliuns francs.
Dapli pazientas e pazients e dapli svieuta
L'Ospital chantunal dal Grischun ha gì l'onn passà pli che 26'000 pazientas e pazients staziunars. Quai èn 3% dapli ch'il 2024. Creschida è era la svieuta da l'ospital per bunamain 5%, sin var 570 milliuns francs. Sco l'interpresa communitgescha sajan ils custs percunter creschids main ferm.
Plinavant scriva l'Ospital chantunal che la segunda part dal nov bajetg principal duai ir en funcziun il proxim november. Avant datti ils 22 d'avust in di da las portas avertas per la populaziun.