Malgrà main giasts (-8,5%) e la svieuta da transport pli bassa (-6,9%) che l'onn passà, èn las pendicularas grischunas en general cuntentas cun la stagiun. Sco ch'ellas scrivan en lur communicaziun saja la stagiun dentant stada fitg pretensiusa per ellas. Quai pervi da l'intschertezza a reguard il provediment d'electricitad l'entschatta da la stagiun, ils pretschs auts da forz'electrica suandants e la mancanza da naiv natirala. Cun purifitgar la charischia saja la svieuta stada schizunt sin nivel d'avant la pandemia.
Che la stagiun è sa sviluppada en maniera positiva stettia surtut en connex cun l'ennavaziun tecnica. Uschia dettia er grondas differenzas tar ils resultas tranter regiuns da skis cun e senza ennavaziun tecnica. Regiuns che sajan stadas bunas da garantir pistas grazia la naiv artifiziala hajan profità questa stagiun d'enviern. L'ennavaziun na saja be decisiva per las pendicularas, ma per tut l'economia dal turissem.
Entant ch'ils resultats èn pli nauschs en congual cun la buna stagiun 2021/22, èn els sur il nivel da la media dals ultims 5 u era 10 onns.
