Siglir tar il cuntegn

Header

cuntegn

Per evitar colonnas en il vitg Domat pretenda «Via libra»

La suprastanza da Domat vul prender mesiras per evitar ch'il traffic tras vischnanca collabeschia ils dis ch'i dat lungas colonnas sin l'autostrada. Cun il concept «Via Libra» duai il traffic vers sid vegnì coordinà.

La suprastanza communala da Domat vul bainspert pretender mesiras per evitar lungas colonnas d'autos sin la via principala tras il vitg. Cun il concept «Via Libra» duess il traffic vers sid vegnir coordinà. «Via Libra» muntia da selecziunar ils autos durant ils dis cun bler traffic sin l'A13. Uschia duajan mo automobilistas ed automobilists cun numers grischuns pudair ir tras Domat quels dis. Automobilists da la Bassa e da l’exteriur duain spetgar sin l'A13 en colonna. Quai ha ditg il president communal Erich Kohler envers la FMR.

Suenter ch'il vitg da Domat è vegnì inundà dal traffic ch'è guntgì da l'A13 pervia da las colonnas avant ils dis da Pastgas, Ascensiun e Tschuncaisma va la suprastanza communala da Domat uschia sin las barricadas. Il chantun e la Confederaziun n'hajan betg vulì prender posiziun davart il concept.

audio
Per tadlar curt e cumpact
ord RTR Audio dals 25.06.2022.
laschar ir. Durada: 1 minuta 1 Secunda.

RTR novitads 06:00

Artitgels legids il pli savens