L'hotellaria en il Grischun ha nudà il matg 172'000 pernottaziuns – in plus da 19%, cumpareglià cun la medema perioda da l’onn avant. Quai scriva l’Uffizi per economia e turissem dal Grischun. Il dumber da giasts svizzers saja dentant sa reducì per 10%, sin 119'000. In ferm plus da giasts han nudà las destinaziuns da Cuira e da Claustra-Tavau. In ferm minus han tranter auter nudà Sedrun-Mustér e Lai.
En l'entira Svizra èn las pernottaziuns s’augmentadas il matg per 38% sin 2,8 milliuns. Era qua è il dumber da giasts indigens sa sminuì, quai per 7,8%. Persuenter hai da in ferm augment da giasts da l'exteriur. Bunamain 900'000 persunas dapli han visità la Svizra il matg 2022, cumpareglià cun il matg 2021.
audio
Per tadlar curt e cumpact
ord RTR Audio dals 07.07.2022.
laschar ir. Durada: 5 minutas 46 Secundas.
