Siglir tar il cuntegn

Header

audio
Refurma da giustia: Reacziun da Peter Peyer e Mario Cavigelli
Or da Actualitad dals 27.11.2022.
laschar ir. Durada: 2 minutas 54 Secundas.
cuntegn

Pli modern e pli effizient Grischun vul refurmar la giustia

La refurma cumplessiva da la giustia grischuna ha survegnì cler sustegn a l'urna. Passa 83% dals votants e da las votantas han ditg Gea.

Refurma da giustia

GEA 83.57%, Na 16.43%

Resultat 

Tuttas vischnancas han votà per la refurma da la giustia. Trais vischnancas han perfin ditg Gea cun passa 95%. Il pli «pitschen» sustegn hai dà en la vischnanca da Ferrera, dentant han era là tuttina anc 60% da las votantas ed ils votants sustegnì la refurma.

La participaziun a la votaziun è dentant stada bassa cun radund 24%. Quai na fetschia dentant betg surstar. Peter Peyer, il minister da giustia ch'era responsabels per la fatschenta da la refurma da giustia, declera quest fatg tranter auter cun quai che las duas fatschentas na sajan strusch stadas dispitaivlas, damai che tut las partidas grischunas han proponì d'acceptar quellas e per l'autra cunquai ch'i n'ha betg dà votaziuns federalas.

Funtauna votaziuns GR

Avrir la box Serrar la box

RTR sa basa sin las datas che la Chanzlia chantunala dal Grischun metta a disposiziun. Quellas èn da chattar sin https://abstimmungen.gr.ch/.

Per tge vai?

Ils ultims onns è la giustia grischuna adina puspè stada en las lingias grassas. Betg mo cun dispitas tranter derschaders, mabain er cun culms da pendenzas e cunquai in lung temp da spetga enfin che las sentenzias èn sin maisa. Cun la refurma duai la giustia daventar pli moderna e pli effizienta. En il focus stat la fusiun da la Dretgira chantunala e la Dretgira administrativa ad ina nova Dretgira superiura cun circa 50 collavuraturas e collavuraturs. Da nov duai in secretari general dar sustegn tar lavurs administrativas ed ina persuna per l'infurmaziun duai stgaffir dapli transparenza.

Questa nova Dretgira superiura duai avair sia sedia en la Quaderstrasse 30 a Cuira. Davart il credit da 29,2 milliuns francs per renovar il bajetg statal ha il suveran medemamain decis, era quel ha survegnì sustegn.

RTR novitads 12:00

Artitgels legids il pli savens