Siglir tar il cuntegn

Header

cuntegn

Refurma da giustia Be paucs e paucas han votà

L'entira refurma da giustia n'è betg stada dispitaivla – ni en il Cussegl grond ni tar las partidas grischunas. E suenter il Gea èsi cler: Era il suveran accepta cleramain omaduas fatschentas. Mo ina chaussa è main legraivla: La participaziun.

Bleras cuvertas n'han las chanzlistas ed ils chanzlists betg stuì avrir durant la dumengia da votaziuns. La participaziun munta sur l'entir Grischun a stgars 24%. Dapi il 2013 n'è la participaziun ad ina votaziun chantunala betg stada uschè bassa. Dentant: Dapi lura n'hai era betg dà ina votaziun grischuna ina dumengia senza votaziuns federalas.

Per l'ina sajan las fatschentas strusch stadas dispitaivlas e per l'autra n'haja dà naginas federalas, argumenteschan ils cussegliers guvernativs Peter Peyer sco era Mario Cavigelli.

Las retschertgas dad RTR mussan: Là nua ch'i ha era dà votaziuns communalas è la participaziun pli auta. Quai sa mussa per exempel tar las vischnancas da Castaneda e Poschiavo. Castaneda ha gì la pli auta participaziun cun passa 55%. Sper la fatschenta chantunala ha la vischnanca anc gì elecziuns communalas. Era la vischnanca da Poschiavo ha gì in'auta participaziun cun passa 50%. Là hai dà elecziuns communalas ed ina decisiun davart in credit dad 1,6 milliuns per in parcadi ed ina fermada d'auto da posta.

Ulteriurs exempels èn las vischnancas da Lostallo, San Murezzan, Vaz, Mesocco e Domat che han gì fatschentas communalas u elecziuns communalas e mintgamai cun sur 40% participaziun ina pli auta quota en cumparegliaziun cun las ulteriuras vischnancas.

Regenza è cuntenta

Cun radund 84% è vegnì detg Gea a la refurma da giustia sco tala e 70% han ditg Gea ad in credit per realisar la nova sedia per la Dretgira superiura. Pia in cler sustegn dal suveran per las duas fatschentas. Il minister da giustia Peter Peyer sa mussa cuntent cun il resultat.

Jau sun fitg cuntent. In sustegn da rodund 84% per in project da votaziun na datti betg uschè savens. Quai è in mussament per la fidanza en las instituziuns.
Autur: Peter Peyer Minister da la giustia
audio
Quai di il chantun da la bassa partizipaziun
ord Actualitad dals 27.11.2022.
laschar ir. Durada: 2 minutas 28 Secundas.

Per sfegliar

Quant auta era la participaziun en Vossa vischnanca? Ina survista da las participaziuns tenor vischnancas chattais Vus qua. Las procentualas èn la media dad omaduas fatschentas chantunalas:

RTR actualitad 17:00

Artitgels legids il pli savens

Scrollar a sanestra Scrollar a dretga