Il sulegl e las cundiziuns sitgas da l'ultim temp han han bain laschà midar da moderà (mellen) sin considerabel (oransch) tschertas regiuns en il Grischun. I vala l'appel dad adina observar fieus da grillar e betg bittar da levsenn cigarettas u zulprins.
Auter en autras regiuns da la Svizra
En Svizra è il privel d'incendis da guaud creschì. En pliras regiuns vala stgalim 3 da 5, vul dir «privel considerabel». Quel vala per ils chantuns Tessin, Turitg e quasi l'entira Svizra franzosa. Per parts dal Vallais vala il privel grond u perfin fitg grond, orientescha l'Uffizi federal per l'ambient BAFU.
Tar privel grond suondan ils scumonds
Sch'il stgalim da privel vegn auzà da considerabel sin grond datti pli probabel er scumonds da far fieu:
- En vischinanza dal guaud, sin basa da la lescha da guaud.
- Scumonds locals tenor las autoritads communalas
- Scumonds u restricziuns en connex cun fieus artifizials (era en la cumpetenza da las vischnancas).