Promontogno - Dunna tschiffada da l’agen auto

En il tunnel da sviament a Promontogno è ina dunna vegnida blessada ier saira. Curt avant mesanotg è la dunna da 31 onns charrada da Castasegna en direcziun Stampa. Cura ch'ella è vegnida or dal tunnel ha ella fermà ses vehichel ed ha bandunà l'auto. Quel n'era dentant betg segirà avunda ed ha cumenzà ad ir enavos en il tunnel. Cun empruvar da retegnair el è ella vegnida blessada. Ell'ha stuì laschar prender ina prova da sang.