Durant ils mais temp d’alpegiaziun en il Grischun lavuran var 1'500 pasturs e pasturas sin las alps en las differentas valladas grischunas. Per sa preparar sin la lavur intensiva datti er curs che vegnan organisads dal Plantahof a Landquart. Obligatorics n’èn quests curs dentant betg. Tuttina è la dumonda gronda, er tar pasturs e pasturas ch'han gia gronda rutina.
Curs èn populars
La dumonda per tals curs è gronda, raquinta la scolasta e cussegliadra dal Plantahof, Martina Schäfli. Mo cler è era: in curs na po betg remplazzar il lavurar sin in'alp. Teoria en stanza da scola n'è betg il medem sco esser en acziun. Ed els n'hajan er betg la survista tgenins participants dal curs, che van lura effectivamain ad alp.
La dumonda è quants da quels che visitan quest curs van lura er ad alp?
Spezialmain persunas che derivan d'in autra branscha, hajan mintgatant in maletg in zic memia romantic da la lavur sco pastur, di Martina Schäfli. Perquai datti er persunas che visitan il curs, ma che van lura strusch ina giada ad alp en il Grischun.
