Il nov studi davart il naziunalsocialissem a Tavau mussa essenzialmain quatter largias da perscrutaziun en il temp dal 1933 fin 1945. Tenor il manader dal studi Stefan Keller sajan quai l'istorgia da la resistenza da la populaziun, la responsabladad da la regenza, l'istorgia da l'antisemitissem ed il mintgadi da la populaziun durant quest temp.
Sin fundament da quest studi possia la vischnanca da Tavau ussa elavurar sistematicamain si quests temas per survegnir ina survista cumpletta da l'istorgia da Tavau en connex cun il naziunalsocialissem.
