La radunanza communala da Sumvitg ha approvà il quint annual dal 2023. Quel serra cun in gudogn da bun 216'000 francs tar expensas da prest 10,5 milliuns francs, sco la vischnanca scriva.
Las investiziuns nettas che la vischnanca da Sumvitg ha fatg l'onn passà muntan a passa 1,5 milliuns francs. Ultra da quai ha la radunanza communala approvà la revisiun parziala dal reglament forestal e la lescha davart promoziun d’energia regenerabla.