Siglir tar il cuntegn

Header

cuntegn

Regenza La Camona da Cavardiras CAS a Mustér vegn renovada

En il rom da la nova politica regiunala (NPR) ha la Regenza ha concedì ina contribuziun chantunala da var 165’000 francs per renovar la Camona da Cavardiras sin territori communal da Mustér. La contribuziun vegn concedida en connex cun in emprest NPR da 700’000 francs.

La chamona dal Club alpin svizzer ch’è sin 2'649 meters sur mar duaja vegnir adattada als basegns dals giasts d'ozendi. Tranter auter vegnia il dumber da plazzas da durmir reducì da 60 sin 49. La renovaziun da l'infrastructura duai dentant er tegnair quint dad aspects ecologics e correspunder al pli nov stadi da la tecnica. La chamona che n'era betg isolada bain avunda fin ussa, survegn ina isolaziun termica. Las lavurs da construcziun duain cumenzar il settember 2024 ed esser terminadas in onn pli tard.

Or da l'archiv:

audio
Plans per la renovaziun da la chamona da Cavardiras
ord Actualitad dals 30.03.2023. Maletg: RTR
laschar ir. Durada: 4 minutas 27 Secundas.

RTR novitads 10:00

Artitgels legids il pli savens