En tuttas spartas serra il quint 2022 da la Regiun Partenz/Tavau en il rom dal preventiv u schizunt meglier che budgetà. La conferenza da presidents ha approvà il quint che mussa ina svieuta da 5,3 milliuns francs. Medemamain ha ella approvà tut ils rapports annuals, quai scriva la regiun en ina communicaziun.
La Regiun Partenz/Tavau s'occupa dal svilup regiunal: è responsabla per la scola da musica, la promoziun da la cultura, l'allianza da taglia, il marketing turistic e la gestiun dals ruments.
Or da l'archiv
En il Partenz ha la nova organisaziun da turissem regiunala cumenzà il matg 2023 cun ses manaschi. Sut il num «Partenz Marketing» vegn quella manada sco partiziun da la regiun Partenz/Tavau, finanziada vegn ella da tut las vischnancas da la val – davent da Seewis fin Claustra, hai num en la communicaziun.
