Tgi che vul far in studi da bachelor en il sectur da tgira, sto actualmain ir ordaifer il chantun Grischun. En l'avegnir duai quai dentant sa midar. La scol’auta spezialisada dal Grischun vul en il futur era pudair porscher studis en il champ da sanadad. Actualmain dastgan els porscher studis en il sectur d'economia e tecnica.
Il nov studi dal bachelor en la tgira vegn concepì ensemen cun il Center da furmaziun per la sanadad ed ils fatgs socials. Per che la scol’auta spezialisada possia porscher il studi dovri anc intgins pass. Il studi sto survegnir glisch verda dal cussegl da la scol’auta e da la regenza. Il concept duai vegnir surdà a lezza la fin sa quest onn. Sche la regenza accepta quel sto dentant anc la lescha per la scol’auta e perscrutaziun vegnir revedida.
Ils responsabels da la scol'aulta spezialisada èn da buna speranza che quai vegn a reussir ad els. Stgaffir quest studi duai era dar dumogn a la problematica da la mancanza da persunal. Planisà è era da porscher in studi da master en la tgira. Cun quest studi pudessan persunas era surpigliar incumbensas da medis e medias da chasa ed uschia megliurar la situaziun en las regiuns periferas. Sche tut va sco planisà duai il studi cumenzar a partir da l'onn 2025.
