Perscrutadras e perscrutaders han scuvrì en las alps grischunas bulieus e bacterias che pon digerir plastic. Tals micro-organissems èn gia enconuschents, ils perscrutaders han dentant scuvert novas spezias. Els pon digerir plastic, sco per exempel da spungias da schubregiar, er tar temperaturas pli bassas, pia gia tar 15 grads. Quai tenor in studi davart il guaud, la naiv e la cuntrada da l'ETH a Turitg.
Fin uss saja mintgamai vegnì testà tar passa 20 grads sche bulieus u bacterias possian digerir plastic. Ch'ils micro-organissems scuvrids da nov èn activs er cun temperaturas pli bassas reducescha il basegn d'energia e renda uschia l'eliminaziun da plastic cun encims pli favuraivla al clima.
Cunter la materia sintetica polietilen che vegn utilisada il pli savens sin l'entir mund n'han dentant er questas novas microbas nagina schanza.
Or da l'archiv
